❓ GeoHK 點玩

每日一局，估 5 個香港地方喺邊。香港時間每日午夜出新題，全世界玩家玩同一組題，同朋友有得比較。

睇線索估地方 — 每題一段小故事或描述，講緊香港某個地方，但唔會直接講個名。

喺地圖落釘 — 地圖刻意冇晒地名標籤，靠你對香港嘅認識：海岸線、山形、路網、鐵路走向都係提示。可以放大、縮細、拖嚟睇，撳邊度就喺邊度落釘。

確認開估 — 🔴 紅釘係真正位置，紅色箭嘴會指住佢；🔵 藍釘係你估嘅位。愈近愈高分，開估之後仲有一段冷知識。

每題最高 200 分，五題總分 1,000。分數跟距離跌，唔使估中正 centre 先有分：

分享格仔嘅顏色：🟩 180 分或以上　🟨 120+　🟧 60+　🟥 60 以下

總分稱號：900+「香港活地圖」· 750+「街坊通」· 600+「老街坊」· 450+「港島九龍新界都分得清」· 300+「搭車會望窗」· 以下「路痴實習生」— 人人都有第一次。

結果頁有「分享成績」（文字格仔）同「🖼️ 分享成績圖」兩個掣，send 去 WhatsApp、IG 都得。放心，兩種分享都只有分數、冇答案地點，唔會劇透俾未玩嘅朋友。

撳版面上面「✏️ 我要出題」，寫好線索、喺地圖標返正確位置就得。俾我哋採用嘅話，出題嗰日會顯示你嘅署名。